الرئيسية
مكتبة الصور
فلسفة حمار
عم يتفلسف الحمار و يخاطب إبن آدم و يقلو
عجبي عليك يا ابن آدم يا كبير الدار
قوّمت الدنيا وما قعدتها لما قالولك حمار
شو يعني إسمي شتيمة ولا جنسي شي عار؟؟؟
خلقني ربي وخلقك وما حدا بإيده الإختيار
وأنا مهما زاد الحمل فوقي صابر على المشوار
لا بيوم برفع عيني على جارتي وبصون الجار
ولا بيوم بطلّع على رزق غيري وبطقّ منه وبغار
ولا مهر أدفع لحمارتي ولا خواتم ولا سوار
ولا شقة إجمع بحقها ولا جهّز دار
ولا حرمتي حامل تتوحّم بدّها كافيار
ولا بنت تخرج عن طوعي وتجيب لي العار
ولا إبن يدمن ويهلوس ويوقع وينهار
عايش بحالي ومتهني وليش بدي إحتار
باكل وبشرب وبنهق وما عندي أسرار
بس عندي إبن آدم يخدمني ليل و نهار
إذا جعت بيشتري برسيمي بأغلى الأسعار
وإذا مرضت بيعالجني ويدعي الستار
خادم أمين من غير راتب ولا حتى إيجار
عرفت يا إبن آدم مين اللي فينا طلع حمار؟
